Ág̃a 26, 27 ha 28 jasypoapy ko arýpe, táva San Lorenzo-pe, Fundación Yvy Marãe’ỹ ojapóta

“Ñe’ẽasakuaa, ñe’ẽndykuaa ha ñe’ẽ ojehekovejopýva rehegua Amandaje. Jaguerojera ñane Ñe’ẽ

Guarani”.

Ko amandaje niko ojejapóta Guarani Ñe’ẽ Arapokõindýpe ha oñemboguatáta Arandu Pyahu

rekávo hérava “Oñembyatýta ñe’ẽndy guaranimegua oĩmavavoi, ha ojeguerojeráta ñe’ẽpyahu

informática ha internet rehegua” ryepýpe, kóva ojykeko CONACYT ha omboguata Fundación

Yvy Marãe’ỹ. Hyepýpe oñemoñe’ẽta tapichakuéra arandu omoñe’ẽasakuaáva, avei umi

oñemoarandúva ñe’ẽndykuaa ha ñe’ẽ rekovepýpe, taha’e tetãyguáva ha pytaguáva.

Ko atyvysu rupive oñemoheñoise peteĩ tenda ojojuhuhápe tapichakuéra iñarandúva ñe’ẽasakuaa

ha ñe’ẽndykuaápe, ko’ýte ñañe’ẽramo guarani rehe, arandu pyahu jeheka ñe’ẽndykuaa rehegua

ryepýpe, ogueroguatáva Fundación, ikatu hag̃uáicha oñemopyrenda ha ojeporu opaite henda rupi

ha opaite mba’erã ko tetã ñe’ẽtee.

Ko tembiapo niko maymavete tapichápe g̃uarã, ág̃a katu oñembosako’i mbo’ehára ha

temimbo’ekuéra ñe’ẽ ha informática-pegua reraitépe, iñasãiva opaichagua mbo’ehaovusuháre ko

ñane retãpýpe.

Oñemomarandu térã ouséva ko atýpe ikatu ohenói (021) 3388241 térã ohai ko’ápe:

yvymaraey@yvymaraey.org

Deja una respuesta

Tu dirección de correo electrónico no será publicada. Los campos obligatorios están marcados con *