Karai ñe’ẽmbohasahára, haihára ha arquitecto Uruguaigua Fabio Descalzi Sgarbi omog̃uahẽta mokõi hembiapokue  “Ñe’ẽasakuaa, ñe’ẽndykuaa ha ñe’ẽ ojehekovejopýva  rehegua Amandaje. Jaguerojera ñane Ñe’ẽ Guarani”, ombosako’íva Fundación Yvy Marãe’ỹme, ág̃a 26, 27 ha 28 jasypoapýpe, ko temimoĩmby rógape, opytáva San Lorenzo-pe.

 

Descalzi niko heñoiva’ekue Montevideo, Uruguáipe, ary 1968-pe. Ha’ehína ñe’ẽmbohasahára, mbo’ehára, haihára ha Wikipedia rehe omba’apóva, avei hína arquitecto. Okakuaava’ekue tenda heko mokõi ha iñe’ẽhetávape. 18 ary ogurekoramo guare ohai Liebig-Fray Bentos: dos nombres que se unen en la historia; ko hembiapokue ojeporavova’ekue iporãvévaramo Ñoa’ã jeporavorã Humboldt-pe. Upete guive opa mba’e ohaívape ojehechakuaa tekojokupyty. Ha’e ombojere aranduka arquitectura ha turismo rehegua, ha vei ñoha’ãnga Knastkinder[Botijas en cana] Rüdiger Bertram mba’éva. 2010 guive 2015 peve ombo’e Universidad Crandon-pe, ha upépe ohechakuaa ñe’ẽpyrusu jehai ohetera’ãha ichupe,  haihára Claudia Amengual reheae; ko kuñakarai ndive oñemoaranduve ñe’ẽporãhaipyre. Omba’apo mombe’upyrysu mitã pyahu rehegua jehaípe. Omog̃uahẽ hembiapokue ñoa’ã ñe’ẽporãhaipyre rehegua oikohápe Latinoamérica ha España-pe.

 

Ko karai ñe’ẽmbohasahára oikuaaukáta mokõi hembipokue pe Amandajépe: “Ñe’ẽasa hekoteéva ha mba’érepa tuicha mba’e  ñe’ẽasa ñemboguata ñemoaponde’a”, pe arapoteĩ 26, 19:00 aravo ajve, ha “Ñe’ẽasa rape pyahu: Antonie Berman”, arapokõi 27, 08:00 aravo jave, ñomongeta ñepyrũhápe.

 

Peteĩ hembiapokue opokóva iñe’ẽrã peteĩha rehe ikatu oñemoñe’ẽ iblog-pe. ¿Traduzco un proyecto, o proyecto lo que traduzco? : https://blogdefabio.com/2016/08/11/traduzco-un-proyecto-o-proyecto-lo-que-traduzco/

 

Deja una respuesta

Tu dirección de correo electrónico no será publicada. Los campos obligatorios están marcados con *