ÑE’ẼASA, ÑE’ẼNDY HA ÑE’Ẽ OJEHEKOVEJOPÝVA  REHEGUA AMANDAJE, OĨTAHÁPE TETÃYGUA HA PYTAGUA

JAGUEROJERA ÑANE ÑE’Ẽ GUARANI

 

Guarani Ñe’ Arapokõindy

26, 27 ha 28 jasypoapy

San Lorenzo, Paraguái

 

Oñemohesakã             

 

Ñe’ẽasakuaa, ñe’ẽndykuaa ha ñe’ẽ ojehekovejopýva  rehegua Amandaje, oĩhápe tetãygua ha pytagua niko ojejapóta Arandu Pyahu rekávo hérava “Oñembyatýta ñe’ẽndy guaranimegua oĩmavavoi, ha ojeguerojeráta ñe’ẽpyahu informática ha internet rehegua” ryepýpe, omboguatáva Fundación Yvy Marãe’ỹ Consejo Nacional de Ciencia y Tecnología-CONACYT jeykekópe. Hyepýpe oñemoñe’ẽta tapichakuéra arandu omoñe’ẽasakuaáva, avei umi oñemoarandúva ñe’ẽndykuaa ha ñe’ẽpykuaápe, taha’e tetãyguáva ha pytaguáva. Ko tembiapo niko maymavete tapichápe g̃uarã, ág̃a katu oñembosako’i mbo’ehára ha temimbo’ekuéra ñe’ẽ ha informática-pegua iñasãiva opaichagua mbo’ehaovusuháre ko ñane retãpýpe reraitépe.

 

Ojehupytyséva tuichaháicha

 

Toñemoheñói peteĩ tenda ojojuhuhápe tapichakuéra iñarandúva ñe’ẽasakuaa ha ñe’ẽndykuaápe, ko’ýte ñañe’ẽramo guarani rehe, arandu pyahu jeheka ñe’ẽndykuaa rehegua ryepýpe, ogueroguatáva Fundación, ikatu hag̃uáicha oñemopyenda ha ojeporu opaite henda rupi ha opaite mba’erã ko tetã ñe’ẽtee.

 

Ojehupytysevéva ohóvo: 

 

  1. a) Toñemoherakuã ojejapómava Arandu Pyahu rekávo ryepýpe hérava “Oñembyatýta ñe’ẽndy guaranimegua oĩmavavoi, ha ojeguerojeráta ñe’ẽ pyahu informática ha internet rehegua”.

ã)  Toñembojojuhu tapichakuéra arandu tetãygua ha pytagua  omoñe’ẽasakuaáva, oñemoarandúva ñe’ẽndykuaa ha ñe’ẽ, omombe’umívo hembikuaa ñe’ẽasa ha ñe’ẽndykuaa rehegua.

  1. ch) Toñembojokupyty ko ñane retãme opaichagua temimoĩmby oñe’ẽpyahu apóva guaraníme.
  2. Toñembohekovepyahu guarani ñe’ẽ oñemoñe’ẽpyahu ha oñemoñe’ẽasa rupi, oñembohape ha ojeporu hag̃ua informática ha internet ryepýpe.

ẽ)     Toñepytyvõ ojeporumeme hag̃ua opaite mba’épe ha opaite henda rupi guarani ñe’ẽ.

 

Amandaje rembipota

 

Ko amandaje ohechaukase mamo pevémapa ojegueroguata ohóvo Jeporekapy Ñe’ẽndykuaa rehegua oguerokakuaáva Fundación Yvy Marãe’ỹ ha oipytyvõva CONACYT, ha upéicha avei ombojojuhuse tapichakuéra arandu omoñe’ẽasa térã ohapykuererekáva ñe’ẽ, taha’e ñane retãygua térã pytagua, omombe’umi hag̃ua hembihasakue ha hembikuaa, oipytyvõ rekávo oñeñe’ẽapo ha oñembopyahúvo guarani ñe’ẽ.

 

 

Tenda: Fundación Yvy Marãe’ỹ. Tape Coronel Romero 318 ha Coronel Bogado, táva San Lorenzo.

 

 

 

 

 

 

TEMBIAPORÃ’ATY

 

ARAPOTEĨ 26 JASYPOAPY

 

 

18:00 aravo. Oñeñemboherarysýi.

18:30 aravo. Oñemoñepyrũ.

 

Oisãmbyhýta: Mag. Mauro Lugo ha Mb. Fátima Silvero

 

Oñemoñepyrũ. Oñe’ẽñepyrũta.

  • Omotenondepáva ko Tembiapo, Perla Álvarez Britez.
  • Oñe’ẽta CONACYT-gua.

 

 

19:00 aravo. Amandaje Apytere

 

Ombohapéta. Mag. Lilian Coronel Ávila

 

  • Ñe’ẽasa hekoteéva ha mba’érepa tuicha mba’e ñe’ẽasa ñemboguata ñemoaponde’a. Fabio Descalzi, haihára, ñe’ẽasahára, Uruguaigua.
  • Guarani ñe’ẽ retepy jeguerojera. Miguel Ángel Verón, Fundación Yvy Marãe’ỹ Omotenondepáva.

 

 

20:30 aravo. Mba’eporãchauka ha jepy’ajoko.

 

 

ARAPOKÕI 27 JASYPOAPY

 

 

07:30 – 8:00.   Oñemombe’úta mba’éichapa

oñemba’apóta.

 

Oisãmbyhýta: Mb. María Gloria Coronel ha Mb. Federico Rolón

 

08:00 – 10:00. Oñeñomongeta ñepyrũta. Guarani ñe’ẽndy rapykuere ha renonderã.

 

 

 

Ombohapéta. Dra. María Eva Mansfeld

 

  • Guarani ñe’ẽndy ojeguerokakuaava’ekue Hesuitakuéra áraramo guare. Angélica Otazú.
  • Ñe’ẽ pyahu apo pytagua ñe’ẽ oikéva ñande apytépe rapykuerépe. Mba’éichapa raka’e yma ha mba’éichapa ikatu oñemba’apo ko’ág̃a. Domingo Adolfo Aguilera Jiménez.
  • Ñe’ẽasa rape pyahu: Antonie Berman. Fabio Delcalzi   

 

09:30 – 10:00. Py’ajoko

 

10:30 – 12:30. Oñeñe’véta I: Guaraníme oñembohasapyre rapykuere rehe. Ojejuhúva ñe’ẽndy rehe.

 

Ombohapéta: Dra. Zulma Trinidad Zarza

 

  • Mba’éichapa Tekombo’e ha Arandupy Motenondeha (TAM) oñemoheñói ha oiporu ñe’ẽpyahu guaranímegua tekombo’épe.
  • Paraguái Ñe’ẽnguéra Sãmbyhyha rembiapokue ñe’ẽpyahu apópe.
  • Avañe’ẽ Kuaareka Aty (AKA) rembihasakue. Carlos Ferreira.
  • Avañe’ẽ Ko’ag̃agua Ojepuruháicha Tetã Paraguáipe (Avakotepa) rembihasakue. Centro de Posgrado de la Universidad Católica de Asunción
  • Ñe’ẽasa guaraníme ha ñe’ẽndy ojeporúva Parlasur ryepýpe. Federico Rolón.

 

12:30 – 14:30. Pytu’u karurã

 

14:30 – 17:00. Oñeñe’véta  II: Ñe’ẽasa informática ha internet rehegua rembihasakue. Ikatúva ojekuaave hapykuerépe.

 

 

 

Ombohapéta: Lic. Edgar Rolón

  • Aguaratata Ñemoguarani rembihasakue. Facultad de Politécnica UNA.
  • Vikipetã ñemoguarani rembihasakue. David Galeano.
  • Facebook ñemoguarani rembihasakue. Mauro Lugo.
  • Google rova ñemoguarani rembihasakue. Manuel Fernández.

 

 

 

17:00 aravo. Ojevy’a ha ojekarúta

 

 

 

ARATEĨ 28 JASYPOAPY

 

07:30  – 08:00. Ojegueromandu’áta ojejapomava’ekue.

 

Oisãmbyhýta: Mb. Arnaldo Casco

 

08:00 – 09:30. Ojehechaukáta ojejapómava tembiapo hérava: “Oñembyatýta ñe’ẽndy guaranimegua oĩmavavoi, ha ojeguerojeráta ñe’ẽpyahu informática ha internet rehegua” ryepýpe”.

 

  • Tembiaporã Jehechauka: Perla Álvarez Britez
  • Tembiapo ñemohypy’ũve. Mauro Lugo
  • Ñe’ẽndy ryru. Manuel Fernández

 

09:30 – 10:00.  Py’ajoko

 

10:00 – 11:30. Oñeñe’ẽvéta III. Tekotevẽ ha oñeha’ãrõva guarani ñe’ẽme retepy jeguejera rape’aporã.

 

 

Deja una respuesta

Tu dirección de correo electrónico no será publicada. Los campos obligatorios están marcados con *