Kuehe, 24 jasypoapy ko 2016-pe, Tetã Diputadokuéra Atyguasu ojapyhy Mba’e Guasuete Tetãme g̃uarãramo “Ñe’ẽasakuaa, Ñe’ẽndykuaa ha Ñe’ẽ Ojehekovejopýva  rehegua Amandaje. Jaguerojera ñane Ñe’ẽ Guarani”, oñepyrũtava ko’ẽrõ arapoteĩ 26 ha ojepysótava arateĩ 28 peve ko jasypoapýpe.

Ko jehechakuaa, oñemoneĩva guaraníme, he’i kóicha:

 

TETÃ DIPUTADOKUÉRA JOHEIPYRE ATYGUASU

 

OJAPOUKA:

 

Akytã 1ha.-     Ojapyhy mba’e guasuete tetãme g̃uarãramo ÑE’ẼASA, ÑE’ẼNDY HA ÑE’Ẽ OJEHEKOVEJOPÝVA  REHEGUA AMANDAJE PYTAGUA “JAGUEROJERA ÑANE ÑE’Ẽ GUARANI”, OĨTAHÁPE TETÃYGUA HA”, OMBOSAKO’ÍVA FUNDACIÓN YVY MARÃE’Ỹ, CONSEJO NACIONAL DE CIENCIA Y TECNOLOGÍA-CONACYT PYTYVÕME.

 

Akytã 2ha.-     Ombovy’apavẽ Fundación Yvy Marãe’ỹ Consejo Nacional de Ciencia y Tecnología-CONACYT-pe ko Amandaje kakuaaite rehe, oipytyvõtava jahechápa guarani ñe’ẽ hetejera ha oipyvõta rehe ko tetãme ojehupyty hag̃ua opa mba’e ojehekáva ñe’ẽnguéra ko’ẽ pyahurã.

 

Akytã 3ha.-     Kóicha toiko.

 

Ko Seminario oñepyrũta ko’ẽramo 18:30 aravo jave. Oikóta Fundación Yvy Marãe’ỹ rógape, opytáva Coronel Romero 318 ha Coronel Bogado, táva  San Lorenzo-pe. Tapicha oikuaasevéva marandu hesegua térã ouséva ikatu oike oñemomaranduve Yvy Marãe’ỹ Webpe: www.yvymaraey.org, ỹramo ohenói ko’ápe:  021 3388241.

Deja una respuesta

Tu dirección de correo electrónico no será publicada. Los campos obligatorios están marcados con *