Kuehe arapoteĩ,  26 jasypoapýpe, 18:30 aravo jave, oñepyrũ “Ñe’ẽasa, Ñe’ẽndy ha Ñe’ẽ Ojehekovejopýva rehegua Amandaje”, ombosako’íva Fundación Yvy Marãe’ỹ Conacyt pytyvõme.

 

Paraguái  Cámara de Diputados ojapyhy Mba’e Guasuete Tetãme g̃uarãramo ko Amandaje, ha Paraguái Ñe’ẽnguéra Sãmbyhyha katu Mba’e Guasuete Ñe’ẽnguérape g̃uarãramo. Ko no’õvusu oiko Fundación Yvy Marãe’ỹ rógape, opytáva tape Coronel Romero 318 ha Coronel Bogado, táva San Lorenzo-pe.

 

 

Ara peteĩhápe oiko Amandaje Apytere oñeñe’ẽ haguépe mokõi mba’e rehe: Ñe’ẽasa hekoteéva ha mba’érepa tuicha mba’e  ñe’ẽasa ñemboguata ñemoaponde’a,  ohakã’i’óva Arq. Fabio Descalzi, haihára, ñe’ẽasahára Uruguaigua.; ha Guaarani ñe’ẽ retepy jeguerojera, ohakã’i’óva Dr. Miguel Ángel Verón, Fundación Yvy Marãe’ỹ Omotenondepáva.

 

 

Tapicha oikuasevéva hesegua térã ouséva ikatu oike ojeporeka marandu rehe Yvy Marãe’ỹ web-pe: www.yvymaraey.org, térã ohenói ko pumbyrýpe: 021 3388241.

IMG_8512 IMG_8510 IMG_8509

Deja una respuesta

Tu dirección de correo electrónico no será publicada. Los campos obligatorios están marcados con *