Ág̃a 24 ha 25 jasypateĩ ko ary 2016-pe, Linguapax Internacional ojapóta táva Barcelona-pe tapicha

arandu no’õvusu oñeñe’ẽtahápe Lenguas y estatus ¿La oficialidad importa?, Escuela de

Administración Pública Catalunya pegua pytyvõme, upéichante avei Generalitat Dirección General

de Planificación Lingüística ha Barcelona Ayuntamiento ñemoirũme. Upe aty guasúpe ohua’ĩta

tapicha katupyry pokõi tetãgui oñekombidapyre, ha umíva apytépe ojejuhu karai Mb. Miguel Ángel

Verón, Fundación Yvy Marãe’ỹ Moakãhapavẽ, oñe’ẽtava Paraguái ñe’ẽnguéra rehe.

Linguapax Internacional hína aty noĩriva tetã rekuái poguýpe omba’apóva jahechápa oñemomba’e ha

oñeñangareko ko yvy ape tuichakue javeve opaite ñe’ẽ ojeporúva rehe. UNESCO omoheñóikuri ko

temimoĩmby 1987-pe ha oñemongu’e temimoĩmby Estado pegua ha ipypegua’ỹva Cataluña pegua

pytyvõme. Hóga opyta ko Barcelona-pe. Ko tapicha arandu atyvusu rupive ombohapese ikatu

hag̃uáicha ojejepy’amongeta umi léi ha política ñe’ẽ rehegua oĩva oñeñangareko hag̃ua ñe’ẽnguéra

rehe, ojekuaa rire heta tembiasakue ko yvy ape arigua. Oñehesa’ỹjóta mba’épepa oñemopyenda opa

tembiaporã oñemboguatáva Estado guive ñe’ẽnguéra ojehecharamo ha hekojera hag̃ua, ha mba’e léi

ha tembiaporãpa ombokatu ojehupyty hag̃ua umi mba’e ojehekáva, jahechápa umíva ári

ndojehecháiri mba’épa ojejapokuaa oñeñangareko potávo ñe’ẽngueraita ojeporúva ko yvy ape ári.

 

Para mayor información, consultar:

http://www.linguapax.org/castellano/que-hacemos/simposio- lenguas-y- estatus

Deja una respuesta

Tu dirección de correo electrónico no será publicada. Los campos obligatorios están marcados con *