ÑE’ẼASA, ÑE’ẼTEEKUAA HA ÑE’Ẽ OJEHEKOVEJOPÝVA REHEGUA AMANDAJE MOKÕIHA JAROJERA ÑANE GUARANI ÑE’Ẽ

Guarani Ñe’ẽ Arapokõindy

26 jasypoapy 2017

San Lorenzo, Paraguái

Oñemohesakã

Ñe’ẽasa, ñe’ẽteekuaa ha ñe’ẽ ojehekovejopýva rehegua amandaje mokõiha rupive niko ñe’ẽasahára, ñe’ẽteekuaahára, ñe’ẽpykuaahára ha temimbo’ekuéra ñane retãygua ohechauka ha ombohasáta ojupekuéra oñohembiapokue ñe’ẽasa ha ñe’ẽteekuaa guarani ñe’ẽme rehegua.

Ojehupytyséva Tuichaháicha

Tojojuhu tapichakuéra arandu ha temimbo’ekuéra ñe’ẽasa ha ñe’ẽteekuaa rehegua, ko’ýte oñeñe’ẽramo guarani ñe’ẽ rehe, upéichape toñeipehẽ’a oñondivekuéra mba’e mba’émapa ojejapo ha ojehasa oñemongakuaa haḡua ñe’ẽ retepy ha oñembopyahu rekávo guarani ñe’ẽ.

Ojehupytyséva ohóvo:

a) Tojojuhumi ñe’ẽasahára, ñe’ẽteekuaahára, ñe’ẽpykuaahára ha temimbo’ekuéra oñomombe’úvo ñe’ẽasa ha ñe’ẽteekuaa rehegua tembikuaa ha tembiasakue.

ã) Tojoajupa guasu temimoῖmbykuéra tetãygua ojeguerokakuaa haḡua guarani ha ñe’ẽ ambue ñe’ẽteekuaa.

ch) Tojehechauka ojehupytyva’ekue jeporekapy héravape “Oñembyaty guarani ñe’ẽtee oῖmíva ha toñemoheñói ñe’ẽtee pyahu informática ha ñanduti rehegua”, kóva ogueroguata Fundación Yvy Marãe’ỹ ha oipytyvõ Consejo Nacional de Ciencia y Tecnología, Conacyt.

e) Toñembopyahu guarani ñe’ẽ oñemoñe’ẽasa rupi ha ojeguerojera rehe iñe’ẽtee, ikatu haḡuáicha ojeporu ko’ẽrei rehe mamo oimehápe.

ẽ) Toñepytyvõ ojeguerojerávo polítika oñembohekoporã ha ojeporumemévo guarani ha paraguái ñe’ẽ atýra.

Mba’erãpa ko amandaje

Ko Amandajépe niko hi’ãite ombojojuhu tapichakuéra iñarandúva ñe’ẽasa ha ñe’ẽteépe ha avei temimbo’ekuéra oñemoarandúvape ñe’ẽ, tove tomombe’u hikuái ojupe hembiasakue ha tohechauka ojupekuéra umi teoría, upéichape tojeguerojera ñe’ẽtee ha toñembopyahu guarani ñe’ẽ; hi’ãite avei ohechauka osẽva’ekue Fundación Yvy Marãe’ỹ Rembijeporekapýgui Ñe’ẽtee rehegua, oipytyvõva CONACYT.

Ombosako’i: Fundación Yvy Marãe’ỹ ha Instituto Técnico Superior de Estudios Culturales y Lingüísticos Yvy Marãe’ỹ

Araka’épa: Arapokõi 26 jasypoapy 2017.

Aravo: 07:30 – 17:00 peve.

Tenda: Fundación Yvy Marãe’ỹ róga. Kóva opyta Coronel Romero 318 ha Coronel Bogado, San Lorenzo távape.

TEMBIAPORÃ’ATY

07:00 aravo. Oñeñemboheraguapy

07:30 aravo. Oñemoñepyrũ.

Oisãmbyhýta: Lic. Fátima Silvero

Oñemoñepyrũ. Oñe’ẽñepyrũta. Ojekuaaukáta mba’éichapa oñemba’apóta:

– Mag. Lilian Coronel Ávila. Yvy Marãe’ỹ Sãmbyhyharapavẽ.

– Avóg. Negri Edgar Araújo. Yvy Marãe’ỹ Avogádo ha Instituto Yvy Marãe’ỹ remimbo’e Ñe’ẽasa pegua

– Mb. Miguela Britos. Yvy Marãe’ỹ- gua.

08:00 – 09:30. Ñomongeta ñepyrũ. Guarani Ñe’ẽ ne’ẽteekuaa rapykuere ha renonderã

Ombohapéta: Mag. Federico Rolón

– Dra. Angélica Otazú. Yvy Marãe’ỹ Departamento de Investigación-gua.

Oñe’ẽta: Guarani ñe’ẽteekuaa: Mba’éichapa ojerojera ymaite guive.

– Dr. Domingo Aguilera. Guarani Ñe’ẽ Rerekuapavẽ Yta.

Oñe’ẽta: Guarani ñe’ẽ retepytee ojerekova’erãva tesa renondépe oñemoheñói hag̃ua iñe’ẽteekuaa. Henonderã ha moõ gotyopa ohokuaa.

– Dr. Miguel Ángel Verón. Fundación Instituto Yvy Marãe’ỹ Moakãharapavẽ. Oñe’ẽta: Ñe’ẽteekuaa. Guarani ñe’ẽteekuaa jerojera.

09:30 – 10:00. Jepy’ajoko

10:30 – 12:30. Oñeñe’ẽvéta I: Ñe’ẽasa guaraníme oñemboguatapyre. Mba’e ojejuhupyréva ñe’ẽteekuaa rehegua.

Ombohapéta: Mb. Karen Cuenca

– Ojehechauka ojehupytyva’ekue jeporekapy héravape “Oñembyaty guarani ñe’ẽndy oῖhaguéicha ha oñemoheñói ñe’ẽpyahu ojeporúva informática ha ñanduti-pe”, ombosako’ipyre Fundación Yvy Marãe’ỹ, Consejo Nacional de Ciencia y Tecnología CONACYT pytyvõme jehechauka.

– Consejo Nacional de Ciencia y Tecnología (Conacyt) remimbou

Mag. Perla Álvarez Brítez, omotenondepáva ko tembiapo.

Lic. Manuel Fernández, ekípo omba’apova’ekueygua.

Mag. Mauro Lugo, ekípo omba’apova’ekueygua.

12:30 – 13:30. Jekaru ha jevy’a Tavarandu ha Guarani ára rehegua.

13:30 – 15:00. Oñeñe’ẽvéta II: Ñe’ẽ retepykuaa. Guarani ñe’ẽndykuaa. Ojejapovahína.

Ombohapéta: Lic. Arnaldo Casco

Dr. Carlos Ferreira. Avañe’ẽ Kuaareka Aty (AKA) rembiapokue ha rembiapo ñe’ẽ rapereka rehegua.

Socióloga Sintya Valdez. Guarani ñe’ẽ jeporu aranduty tekoha rehegua raperekápe.

Lic. Christian Ojeda. Tembiapokue oñemboguatapyre ambue tetãme. Linguamón-Casa de Lenguas rembiapokue.

Marcelo Dos Santos. Ñe’ẽasa ojejapóva: lengua de señas rehegua.

Mag. Federico Rolón. Ñe’ẽasa guaranicastellano, castellano-guarani Parlasur-pe.

15:00 – 16:30. Fundación Yvy Marãe’ỹ. Tembiapokue ha tembiaporã oñemboguatáva guarani ñe’ẽ jeporu ha retepy jerojerarã.

Ombohapéta: Mb. Eva Rivas

– Instituto Técnico Superior de Estudios Culturales y Lingüísticos Yvy Marãe’ỹ. Mbo’esyry oikuave’ẽva.

Departamento de Investigación Lingüística oñemoheñoiramóva.

Tembiaporã Guarani Angirũ: Ñambopepo guarani ñe’ẽ jeporu. – Mg. Lilian Coronel Ávila, Dra. Angélica Otazú, Mag. Mauro Lugo, Dr. Miguel Angel Verón

16:30 – 17:00. Oñembotýta

– Opurahéita karai Mbo’ehára Walter Molinas.

– Oñeme’ẽta kuatia’atã.

Deja una respuesta

Tu dirección de correo electrónico no será publicada. Los campos obligatorios están marcados con *