Instituto Técnico Superior de Estudios Culturales y Lingüísticos Yvy Marãe’ỹ omoñepyrũta imbo’esyrykuéra jasykõi ko arýpe. Umi mbo’esyry oñemboguatáta ko temimoĩmby rógape, opytáva Coronel Romero 318 ha Coronel Bogado, San Lorenzo táva, Paraguái retãme.

Ko mbo’ehaorusu oguereko mokõi carrera ko arýpe g̃uarã, mokõivéva oñemboaje Tekombo’e ha Tembikuaa Motenondeha (TTM) Rembiapoukapy Py 123/2018 rupive.

  • Tecnicatura Superior en Traducción e Interpretación Guaraní-Castellano, ipukúva mokõi ary ha ipohýiva 2100 aravo.
  • Tecnicatura Superior en Antropología y Gestión Cultural, ipukúva mokõi ary ha ipohýiva 2100 aravo.

Avei oguereko ko’ã curso, oñemboajepyre TTM Rembiapoukapy Py 121/2018 rupive.

  1. Curso Guaraní para Principiantes, ipukúva po jasy ha ipohýiva 300 aravo.
  2. Curso de Lengua Castellana, ipukúva po jasy ha ipohýiva 300 aravo.
  3. Curso de Dinamización Lingüística, ipukúva po jasy ha ipohýiva 300 aravo.

Mbo’ehaorusu Yvy Marãe’ỹ niko oñemboaje TTM Rembiapoukapy Py 1261/2012 rupive, ha ijehupytyrã katu: Ombokatupyry tapicha ha’eve añetéva ñe’ẽ, arandupy ñemboguata ha ñemombaretépe, avei ñe’ẽ ha arandupy rapojo’ópe, oñeikotevẽháicha ko’ág̃a Paraguái, tetã ijereregua ha ambue tetãnguérape, jahechápa péicha oñepytyvõve ko yvy ape ári oñemombaretévo arandupyeta, ñe’ẽita, tove opavavete toiko oñondivepa jokupytýpe.

Mayma oñemomarandusevéva oñembojakuaa ko temimoĩmbýpe, San Lorenzo távape; avei ohenoikuaa 021 580548,  021 3388241, 0981 282969, 0981 768717-pe; ojerureve marandu kuatiaveve  yvymaraey@yvymaraey.org, térã omba’eporandu Ñanduti: www.yvymaraey.org.

2019: YPYKUÉRA ÑE’ẼITA ARY YVY APE TUICHAKUE JAVEVE

Deja una respuesta

Tu dirección de correo electrónico no será publicada. Los campos obligatorios están marcados con *