Fundación Yvy Marãe’ỹ ha Ateneo de Lengua y Cultura Guarani Regional II San Lorenzo pegua ombosako’ihína Vy’a Guasu hérava Tetã Raity, oikótava ko arapokõi -sábado- 02 marzo, 07:00 áravo guive hóga teépe, opytáva tape Cnel. Romero ha Cnel. Bogado ojoasahápe, San Lorenzo Tupão Guasúgui jajepoimívo.

Tetã Raity-pe ijáta tetãygua katupyry ohepyme’ẽtava ka’avo, hi’upyrã, yva, mba’e porã apopyre jeguakarã (artesanía) ha omokyre’ỹta música pu rorýpe karia’y ha kuñataĩ ha’evéva upévape. Oñemyasãita avei yvytúre ñe’ẽ poty hyakuãmbáva.

Fundación Yvy Marãe’ỹ, Ateneo ndive, omboguata ko tembiapo (ha ambueve avei) Paraguái Ñe’ẽ, Paraguái reko ha Paraguái motenonde rehehápe. Hi’ãnteko ñañuvaitĩ py’ỹive ãichagua atýpe, jarohorývo oñondive tuichaháicha ñane retã mba’e paje ijapyra’ỹva.

Ehasamíkena ág̃a ore róga rupi, angirũ. Aníke nderesarái viru’imígui eñemumi hag̃ua ha epyta sapy’aite javy’ávo oñoirũicha tetã rayhupápe.

San Lorenzo, 26 jasykõi 2019

Deja una respuesta

Tu dirección de correo electrónico no será publicada. Los campos obligatorios están marcados con *