Fundación Yvy Marãe’ỹ ombosako’i oúvo Ñe’asa, Ñe’tekuaaty ha Ñe’ẽheta rehegua Amandaje Irundyha: 2019, “Ypykuéra Ñe’ẽita Yvy Ape Arigua Ary”, oikótava 11, 12 ha 13 jasypokõi ko arýpe, San Lorenzo táva Ñoha’ãngakotýpe,

Ko amandaje oĩtahápe pytaygua ha paraguaigua niko ojejapóta Consejo Nacional de Ciencias y Tecnología (CONACYT) pytyvõme, ha oñembosako’i jahechápa oñemopyenda ha oñemombarete tapicha arandu jejuhu omoñepyrũva’ekue Yvy Marãe’ỹ amandaje ojapova’ekue 2016, 2017 ha 2018-pe, ikatu hag̃ua arandu hapykuererekahára, ñe’ẽpykuaahára, ñe’ẽ omoherakuã ha ohape’apóva, ñe’ẽasahára, ñe’ẽtekuaatyhára, temimbo’e Paraguái ha ambue tetã ko jereregua omoherakuã hembiapoita, upéichante avei tembiapokue ñe’ẽ ñeisãmbyhy ha rape’apo rehegua, jahechápa péicha noñepytyvõi América ñe’ẽ tee maymáva hetejera ha ojeporumemévo, ko ypykuéra ñe’ẽita yvy ape arigua arýpe.

Ko arýpe ñomongeta ha tembiapokue ojehechaukáva oñe’ẽta ypykuéra ñe’ẽnguéra ko Paraguái ha América pegua rehe. Ko no’õvusu rupive, ikatúta tapicha arandu ombohasa ojupe imba’ekuaa ha hembiasakue, upéichante avei tapicha omoherakuã ha ohape’apóva ñe’ẽ, taha’e Paraguái ha América Latina-ygua. Tapicha arandu Paraguái, Brasil, Argentina, Perú ha Bolivia-ygua ohechaukáta tembiapokue ha tembiaporã ñe’ẽ rehegua.

Mayma tapicha omba’eporandu térã oñeapuntaséva ikatu oja Yvy Marãe’ỹ rógape, Cnel. Romero 318 ha Cnel. Bogado, San Lorenzo távape, térãkatu ohenói 021-589548, 0971 366595 ha 0981 768717.

Tetã hekoheta ha iñe’ẽhetáva rekávo

Yvy Marãe’ỹ.  Tape Cnel. Romero Py 318 ha Cnel. Bogado, San Lorenzo, Paraguái. Pumbyry: 021 580548, 021 3388241. Ñanduti: www.yvymaraey.org. Ñe’ẽveve: yvymaraey@yvymaraey.org; Facebook: htpps://www.facebook.com/yvymaraeypy/

San Lorenzo, jasypo 2019

Deja una respuesta

Tu dirección de correo electrónico no será publicada. Los campos obligatorios están marcados con *